‘देवमाणूस’ फेम किरण गायकवाड बनला दिग्दर्शक; आगामी सस्पेन्स थ्रिलर ‘FIR No 469’ ची मोठी घोषणा!

मुंबई: छोट्या पडद्यावर ‘लागिरं झालं जी’ मधील भैय्यासाहेब आणि ‘देवमाणूस’ मधील डॉ. अजितकुमार देव यांसारख्या खलनायकी भूमिका अजरामर करणारा लोकप्रिय अभिनेता किरण गायकवाड (Kiran Gaikwad) आता नव्या भूमिकेत प्रेक्षकांच्या भेटीस येत आहे. गणेशोत्सवाच्या शुभमुहूर्तावर किरणने दिग्दर्शक, लेखक आणि पटकथाकार म्हणून आपल्या आगामी ‘FIR No 469’ या चित्रपटाची अधिकृत घोषणा केली आहे.

“केस गंभीर आहे, सत्यापर्यंत पोहोचणं सोपं नाही!”

सोशल मीडियावर चित्रपटाचे गूढ फर्स्ट लुक मोशन पोस्टर शेअर करताना किरण गायकवाडने लिहिले, “गणपती बाप्पाचं आगमन झालंय आणि याचबरोबर महाराष्ट्रात दाखल होतेय एक थरारक केस ‘FIR No 469’! तपास सुरू झालाय.. नजर ठेवा, कारण आता ही केस थेट तुमच्यापर्यंत पोहोचत आहे. २२ जानेवारी २०२७ ही तारीख विसरू नका!”

मराठीतील मातब्बर कलाकारांची मांदियाळी

या चित्रपटाच्या पोस्टरवर अभिनेता नचिकेत पूर्णपात्रे याची प्रभावी झलक पाहायला मिळत आहे. याशिवाय प्रसाद ओक, रमेश परदेशी (पिट्या भाई), सुहास शिरसाट, योगेश शिरसाठ, अंकिता अशोक, अंकुश मांडेकर अशा दर्जेदार कलाकारांची फौज या चित्रपटात असणार आहे. एकाच वेळी सस्पेन्स आणि ड्रामाचा महासंगम प्रेक्षकांना या चित्रपटात अनुभवायला मिळणार आहे.

वारंवार विचारले जाणारे प्रश्न (FAQs)